Sekretari i Përgjithshëm i Këshillit të Ministrave Ëngjëll Agaci ka dhënë shpjegimet e tij në komisionin hetimor për inceneratorin e Elbasanit edhe lidhur me atë që opozita ka denoncuar, për 17 procedura të kaluara brenda një dite në gjithë institucionet që duhet të jepnin një përgjigje, një ditë para se të mbahej mbledhja e Këshillit të Ministrave dhe të miratohetj aty draft kontrata.

Ëngjëll Agaçi ka mohuar çdo lloj ndërhyrje apo presioni nga kryeministri Rama për kalimin e 17 akteve brenda një dite për koncesionet gjë që e  hodhi poshtë.

Tabaku: Për 3 inceneratorët financimet janë të ndryshme dhe vendimet e Keshillit te  Ministrit janë të ndryshme. Kemi një dopio standard për inceneratorët e Fierit dhe Elbasanit.

Agaçi: E vërteta është që unë nuk thashë që vendimi nuk ka baza ligjore. Në rastet e financimeve të kontratave detyrimi ligjor i Këshillit të Ministrave është që miraton kur Ministria e Financave jep autorizimin për të. E konfirmoj, vendimi për sigurimin e financimin ishte me mendimin pro të ministrisë së Financave. Sekretari i Përgjithshëm nuk propozon akte, nuk kam tagër.

Tabaku: A keni marrë porosi nga kryeministri Rama? Jan kryer 17 procedura brenda një dite

Agaçi: Nuk ka pasur asnjë lloj porosie, ajo që mua më interesn ta dëshmoj përballë jush është aluduar në media me lloj lloj shpifje me 17 vendime nga Këshilli i Ministrave brenda ditës është e pavërtetë. Unë kam një kopje të rendit të asaj dite.

Tabaku: A ka pasur presión për kalimin e ketyre vendimeve?

Agaçi: Në administratën publike zhvillohen me qindra procedura. Nuk jam në gjenje të përgjigjem për gjëra jashtë funksionit tim. Këshilli i Ministrave nuk ka miratuar asnjë procedurë, asnjë kontratë