Kryeministri Edi Rama ka dalë në një komunikim për mediat pas përfundimit të samitit të NATO-s, për situatën në Ukrainë.

Ai ka thënë se situata atje, ka ndikuar edhe në krizën energjetike, të paralajmëruar disa muaj më parë. Sipas Ramës, Shqipëria është një ndër të vetmet vende që nuk ka rritur energjinë për konsumatorët.

“Me rritjen eksponenciale të energjisë, çmimeve të gazit apo rritjen e shpejtë të çmimit të naftës, gjë që i ka pararendur këtij momenti si një erë drithëruese në shpinën e shteteve, në ndërkohë ka një valë të inflacionit shoqëruar me rritjen e çmimeve në tërësi si një pasojë e drejtpërdrejt e rikthimit të ekonomisë dhe aktivitetit ekonomik, pas mbylljes e shtrëngimit të madh nga pandemia.

Ka një valë të inflacionit sugjeruar me rritje të çmimeve në përgjithësi si një  pasojë e drejtpërdrejtë të rikthimit të ekonomisë pas shtrëngimit nga pandemia. Ne jemi i vetmi vend apo me ndonjë përjashtim, që nuk e kemi prekur çmimin e energjisë. Në të gjitha komunikimet që unë kam pasur me kolegët në vigjilje të këtij takimi, çështja themelore ka qenë rritja e çmimeve të energjisë, ku në vendet fqinje ka ndikuar shumë fort në faturën e shpenzimeve të konsumatorëve familjarë. Ne jemi zotuar që do bëjmë çmos që ta mbajmë nën kontroll çmimin e energjisë

Për këtë kemi bërë dhe një ndryshim rrënjësor të gjithë skemës së trajtimit të eksportit dhe importit të energjisë dhe deri tani kemi arritur t’ia dalim, që ndodh si rezultat i një sforcoje të madhe të qeverisë. Qeveritë vlerësohen për atë që ndodh, por sytë e ekonomistëve e vlerësojnë për atë që nuk e lën të ndodhë”, tha Rama.