Një aksident i rëndë ka ndodhur mbrëmjen e djeshme në aksin Shkoder-Koplik, ku ka humbur jetën një 20-vjeçar.

Si pasojë e përplasjes së dy automjeteve raportohet për një viktimë dhe 3 persona të tjerë të plagosur të cilët janë dërguar me urgjencë në spital, në gjendje të rëndë për jetën.

Viktima, sipas informacioneve paraprake, është shtetasi Arif Bajrami , 20 vjeç nga Shëngjini. Ndërkohë që i plagosur ka mbetur shoku i tij që ishte pasagjer në makinë, dhe dy personat që ndodheshin në mjetin tip audi.

Njoftimi i policisë:

Rreth orës 22:00, në aksin rrugor Shkodër–Koplik, janë përplasur mjeti tip audi me mjetin tip benz.

Si pasojë e përplasjes drejtuesi i mjetit tip benz, shtetasi A. B., 20 vjeç,  ka ndërruar jetë.

Si dhe është dëmtuar drejtuesi i mjetit tip audi shtetasi R. B. 21 vjeç dhe shtetasit D. B. 49 vjeçe pasagjere në mjetin tip audi dhe   shtetasi B. K. 20 vjeç, pasagjer në mjetin tip benz, të cilët ndodhen nën kujdesin e mjekëve në Spitalin Rajonal Shkodër.

Grupi hetimor po punon për sqarimin rrethanave të aksidentit.