Rumania ka mbyllur hapësirën ajrore për aeroplanët komercialë rusë, pas pushtimit të Rusisë në Ukrainë.

Leja për kalime ajrore të kompanive ruse do të pezullohet, ka thënë Qeveria e Rumanisë.

Vetëm fluturimet e lidhura me ndihmë humanitare apo urgjenca të tjera do të përbëjnë përjashtim.

Edhe shtete tjera të Bashkimit Evropian, përfshirë Poloninë, Republikën Çeke dhe Bullgarinë, tashmë kanë mbyllur hapësirat e tyre ajrore për kompanitë ruse.

Gjermania po përgatitet për të vepruar njësoj, ndërkohë që në listën e shteteve që kanë bllokuar Rusinë është edhe Britania e Madhe.