Google ka hequr nga motorët e kërkimit median shtetërore “Russia Today”.

“Në këtë krizë ne po marrim masa të jashtëzakonshme për të ndaluar përhapjen e dezinformatave dhe për të ndërprerë fushatat e dezinformimit në internet”, tha Kent Ëalker, presidenti i Google për çështjet globale.

Deri më tani, kompania kishte kufizuar faqet e lajmeve të financuara nga qeveria ruse nga reklamimi dhe përdorimi i disa veçorive në YouTube, platforma e ndarjes së videove në pronësi të Google.

Zv/kryeredaktorja e RT-së, Anna Belkina, tha se masa e marrë tregon se kompanitë perëndimore të establishmentit janë “të tmerruara nga prania e thjeshtë e ndonjë zëri të jashtëm nga frika e humbjes së audiencës së tyre historikisht të robëruar, nëse ajo audiencë ndeshet me një këndvështrim tjetër”.
RT dhe Sputnik, një faqe tjetër e financuar nga qeveria ruse, konsiderohen nga Departamenti Amerikan i Shtetit si dy “elementë kritikë në ekosistemin e dezinformimit dhe propagandës së Rusisë”.

Më herët, edhe gjigandi i teknologjisë Apple ka njoftuar se RT dhe Sputnik nuk do të jenë më të disponueshme për shkarkim në App Store jashtë Rusisë.