Një person është vënë në ndjekje nga policia e Tiranës. Operacioni policor është shoqëruar me të shtëna armë këtë të enjte në kryeqytet.

Policia bën me dije se ishte marrë informacion për vendndodhjen e një personi në kërkim për vjedhje dhe efektivët janë vënë në ndjekje të tij.

Tiranë/Informacion paraprak

Shërbimet e Komisariatit të Policisë Nr. 5, pas informacioneve të siguruara për vendndodhjen e një personi në kërkim për vjedhje, janë vënë në ndjekje të tij.

Shtetasi në kërkim E. Ç., kur ka konstatuar se po ndiqej nga shërbimet e Policisë, ka qëlluar me armë zjarri dhe është larguar me shpejtësi.

Shërbimet e policisë vijojnë krehjen e zonës për kapjen e shtetasit në kërkim që dyshohet se ka qëlluar me armë zjarri.