Hapësira ajrore e Malit të Zi është mbyllur të premten për të gjithë avionët rusë, vendosi Agjencia malazeze e Aviacionit Civil.

Ky veprim pason vendimet e ngjashme që kanë ndërmarrë vende të tjera të Bashkimit Evropian, Shtetet e Bashkuara dhe Kanadaja, pas pushtimit të Ukrainës nga Rusia.

Për kontrollin e trafikut ajror të Serbisë dhe të Malit të Zi, përgjegjëse është një agjenci e përbashkët e këtyre dy vendeve.

Megjithatë, Serbia nuk do të mbyllë hapësirën e saj ajrore për avionët rusë, sepse siç ka thënë, nuk do t’iu bashkohet sanksioneve të Perëndimit ndaj Rusisë.