Sfida miqësore midis kombëtares tonë dhe Spanjës, e cila do të luhet në Katalunja në datën 26 mars 2022, nuk do të luhet në orarin që ishte vendosur në fillim.

Kjo sfidë ishte programuar të fillonte në ora 19:00, por pas kërkesës së Federatës Spanjolle të Futbollit dhe konsultimeve me FSHF dhe UEFA-n është rënë dakord që miqësorja të nisë në ora 19:45.

Pas Spanjës, Shqipëria do të presë në “Air Albania” Gjeorgjinë, në datën 29 mars 2022, si kuadër i përgatitjes për Ligën e Kombeve që starton në muajin qershor. Kjo ndeshje do të zhvillohet në stadiumin “Air Albania” të Tiranës, duke nisur nga ora 18:00.

Dy miqësoret zhvillohen në kuadër të përgatitjes së Kombëtares shqiptare për ndeshjet e grupit në Ligën e Kombeve, që startojnë në muajin qershor.