“Daily Mail” publikon pesë skenarë, se si mund të përfundojë lufta në Ukrainë, e cila ka hyrë sot në ditën e saj të dhjetë dhe duket se nuk ka asnjë tërheqje të Rusisë.
Mëngjesin e sotëm, Ministria e Mbrojtjes e Rusisë shpalli një armëpushim për “hapjen e korridoreve humanitare për të lejuar civilët të largohen nga Mariupol dhe Volnovakha”, që nisi në orën 09:00 me orën lokale, por zyrtarë të Ukrainës akuzuan Rusinë për vijimin e aksionit, edhe pse u arrit një marrëveshje. Ekspertët kanë përshkruar 5 mënyra se si mund të shkojë lufta në Ukrainë; rrëzimi i Putinit ose fitorja ruse.
– Forcat ushtarake ukrainase vazhdojnë të godasin pa pushim rusët nëse këta të fundit ngecin në luftime
Forcat ukrainase i kanë rezistuar pushtimit rus deri më tani, duke mposhtur një përpjekje të parashutistëve për të kapur kryeqytetin në ditët e para dhe duke mbajtur kontrollin mbi qytetet kryesore si Kharkiv dhe Mariupol.
Megjithëse Rusia pretendon se ka epërsi të plotë ajrore, mbrojtja ajrore e Ukrainës rreth kryeqytetit Kiev dhe në zona të tjera duket se është e degraduar. Një numër i madh ukrainasish i janë bashkuar gjithashtu njësive të mbrojtjes territoriale.
-Përmbysja e Putinit dhe kthimi i oligarkëve kthehen kundër liderit të tyre
Presidenti rus Vladimir Putin po vëzhgon nga afër mospajtimet e brendshme në Rusi. Një goditje ndaj mediave të pavarura ka treguar kujdesin që Putin po ndërmerr ndaj çoj ‘rrjedhje’ informacioni.
Megjithatë, demonstrata kundër luftës janë zhvilluar në qytete nga Shën Petersburg në Moskë, me të paktën 6,000 njerëz të arrestuar. Ka gjithashtu shenja të çarjeve në elitën qeverisëse, me disa oligarkë, deputetë, madje edhe grupi privat i naftës Lukoil bëri thirrje hapur për një armëpushim ose për t’i dhënë fund luftimeve.
Mundësia që Putini të rrëzohet nga një reagim popullor apo edhe një grusht shteti, nuk përjashtohet.
-Fitorja ruse. Gjeneralët e Putinit shtypin rezistencën me fuqi masive ajrore dhe artileri shkatërruese në Ukrainë
Duke pasur parasysh armët e trupave ruse, fuqinë ajrore dhe përdorimin shkatërrues të artilerisë, analistët perëndimorë të Mbrojtjes presin që ato të vazhdojnë të me sulmin ndaj Ukrainës. Një kolonë e madhe automjetesh është mbledhur jashtë Kievit, ndërsa pritet që t’i afrohet kryeqytetit ukrainas.
Presidenti francez Emmanuel Macron arriti në përfundimin se ‘më e keqja është duke ardhur’ pas një telefonate që ai zhvilloi me Puti.
– Përhapet konflikti. I nxitur nga nostalgjia për Bashkimin Sovjetik, Putin vendos në menu një lëvizje ushtarake drejt Moldavisë.
Ukraina në kufi kufizohet me katër ish-shtete sovjetike që tani janë anëtarë të aleancës ushtarake të NATO-s të udhëhequr nga SHBA, e cila e konsideron një sulm ndaj një anëtari si një sulm kundër të gjithëve. Nostalgjia e Putinit për Bashkimin Sovjetik dhe premtimi i tij për të mbrojtur pakicat ruse – të cilat gjenden në shtetet baltike, ka lënë pikëpyetje për ambiciet e tij territoriale.
Pas Ukrainës, disa analistë spekulojnë se Putini mund të synojë edhe Moldavinë, një ish-shtet sovjetik i lidhur mes Ukrainës dhe Rumanisë.
-Lufta bërthamore. Konflikti ndez armiqësinë mes Rusisë dhe NATO-s dhe çon në Luftën e Tretë Botërore
Kjo tezë padyshim që mendohej të ishte e pamundur për shkak të garancisë së ndërsjellë të shkatërrimit të armëve bërthamore. SHBA dhe Rusia kanë hapur një të ashtuquajtur ‘vijë dekonflikti’ mbi të cilën ata mund të shkëmbejnë informacion ushtarak për të zvogëluar shanset e një keqkuptimi. E njëjta metodë përdoret në Siri, ku forcat amerikane dhe ruse kanë qenë aktive në anët e kundërta të luftës civile të vendit që nga viti 2015.
Por Putin ka urdhëruar forcat e parandalimit bërthamor të Rusisë në gatishmëri të lartë dhe ministri i Jashtëm Sergei Lavrov ka paralajmëruar se “Lufta e Tretë Botërore mund të jetë vetëm një luftë bërthamore”. Analistët perëndimorë thonë se paralajmërime të tilla duhet të merren si qëndrim për të penguar Shtetet e Bashkuara dhe Evropën nga shqyrtimi i ideve të tilla për shpalljen e Ukrainës si një ‘zonë e ndaluar fluturimi’.
