Një aeroport civil në qytetin e Vinnytsia në qendër të Ukrainës, është shkatërruar totalisht nga një sulm me raketa nga Rusia.
Këtë e ka bërë të ditur Presidenti i Ukrainës, Volodymyr Zelensky në një videomesazh në rrjetin e tij social Twitter.
“Sapo jam informuar për një sulm me raketa në Vinnytsia. 8 raketa, aeroporti është shkatërruar totalisht” – thotë Zelensky.
Gjithashtu Presidenti ukrainas ka paralajmëruar lëvizjen e rradhës të ushtrisë ruse. Sipas tij, forcat ruse po përgatisin një sulm ajror në qytetin Odesa në rajonin jugor.
