Armani Group ka njoftuar nëpërmjet një postimi në Instagram se i është bashkuar nismës për të ndihmuar nëpërmjet një donacioni njerëzit që janë të detyruar të largohen për shkak të konfliktit në Ukrainë.

Ai ka njoftuar se ka përfshirë në donacion një shumë prej 500 mijë eurosh për UNHCR- Agjencinë e Organizatës së Kombeve të Bashkuara.

Armani Group ka vendosur po ashtu t’u dhurojë refugjatëve artikuj që do të shpërndahen nëpërmjet organizatave jofitimprurëse italiane ‘Comunita di Sant’Egidio’.

“Armani Group njofton se po i bashkohet përpjekjes për ndihmë të luftës me një donacion prej 500 mijë euro për UNHCR-në, Agjencinë e OKB-së për refugjatët, për ndihmën dhe mbrojtjen e atyre që janë detyruar të ikin nga lufta në Ukrainë.

Stafi i Giorgio Armani do të ketë mundësinë të marrë pjesë në përpjekje duke bashkëpunuar në përgatitjen e dërgesave në vend”,– ka njoftuar Gorgio Armani.