Këshilli i Evropës e ka përjashtuar zyrtarisht Rusinë për shkak të pushtimit në Ukrainë.

Në një deklaratë, Këshilli i Evropës thotë se “Federata Ruse nuk do jetë më anëtare e Këshillit të Evropës që sot, pas 26 vitesh anëtarësim”.

Vendimi vjen një ditë pasi Rusia i parapriu përjashtimit të pritshëm duke u tërhequr nga Këshilli, institucioni që hartoi Konventën Evropiane për të Drejtat e Njeriut.

Konventa për të drejtat e njeriut do të ndalojë së zbatuari për Rusinë dhe rusët nuk do të mund të apelojnë më në Gjykatën Evropiane të të Drejtave të Njeriut kundër qeverisë së tyre.