Kriza duket shumë larg fundit. Të paktën këtë ka lënë të kuptohet, ministrja e Financave dhe Ekonomisë, Delina Ibrahimaj e cila në një intervistë të dhënë për “A2 Busines”, ka thënë se edhe në rast se lufta do përfundonte sot, kriza do të vazhdonte dhe pasojat do të ishin më afatgjata.

Sipas saj, qeveria po hartonte dy skenarë të cilët mund të ndiqen, njëri më optimist dhe tjetri më pesimist.

“Po hartojmë dy skenarë, një më pak pesimist dhe një më shumë pesimist, se çfarë do të ndodhë pas 3 muajve. E ardhmja nuk dihet dhe për këtë sfidoj çdo specialist”– tha Ibrahimaj.

Teksa foli për të ardhmen ekonomike, Ibrahimaj u shpreh se kjo krizë është shumë më e rëndë ajo gjatë pandemisë. Më tej, në këtë situatë, ministrja u shpreh se FMN rekomandon që duhet pasur fokusi te shtresat dhe kategoritë në nevojë.

“Edhe nëse lufta përfundon sot, pasojat e saj do të vazhdojnë gjatë. Kjo është një krizë ekonomike shumë më e rëndë edhe se pandemia”– u shpreh ministrja.