Ministrja e Financave dhe e Ekonomisë, Delina Ibrahimaj refuzoi të komentonte deklaratën e dhënë mbrëmjen e djeshme ku pohoi se një person që merr 140 euro në muaj nuk konsiderohet i varfër.

Ibrahimaj tha se janë kalkulime të INSTAT që kërkojnë analizë të thelluar , duke shtuar se nuk është momenti të diskutohet diçka e tillë pasi prioritet është kriza ekonomike që prek tregtarët dhe konsumatorët.

Ibrahimaj: Sot jemi këtu për të folur mbi krizën, pyetja mu bë për një tregues statistikor dhe kam teknikalitet, ne mund të flasim gjatë për këta tregues dhe për cfarë kalkulohet.

Nuk është sot momenti për të diskutuar se si INSTAT kalkulon, kemi krizën dhe është momenti të merremi me konsumatorët dhe tregtarët.

Nëse do i kthehemi bisedës për TVSH-në e produkteve ushqimore e kam thënë disa herë që nuk do ndërhyjmë, sidomos në kohë krizash. Vendi ynë ka sistemin e tij të taksimit dhe është e vështirë të ndërhysh.