Berat Gjimshiti, një nga legjionarët më të famshëm në Serie A, gjithashtu një nga mbrojtësit më të vlerësuar në Itali, ka vendosur se ku do të vijojë karrierën. Gjimshiti, prej kohësh ishte përfshirë në orbitën e Inter, zikaltërit në më shumë se një herë u interesuar zyrtarisht në dyert e Atalantës.
Gjimshiti kishte një kontratë të vlefshme deri në 2023, por qendërmbrojtësi ka vendosur ti qëndrojë besnik bergamaskëve. Me anë të një postimi në faqen e tij zyrtare në Instagram, Gjimshiti konfirmoi se do të vijojë karrierën e tij në Bergamo, teksa ka njoftuar se ka zgjatur kontratën me Atalantën deri në 2026.
“Jam shumë i lumtur dhe krenar që të zgjasë kontratën me Atalantën. Unë do të shikojë përpara për të arritur më shumë momente të suksesshme me këtë skuadër”, shkruan Gjimshiti në postimin e tij.
