Presidenti Voldymyr Zelensky deklaroi këtë të hënë se Ukraina nuk do t’i përkulet kurrë ultimatumeve të Rusisë. Ai shtoi se qytete të tilla si Kievi, Mariupoli apo Kharkiv nuk do ta pranojnë kurrë pushtimin rus.
“Ne kemi një ultimatum me pika, ‘ndiqe atë dhe pastaj do t’i japim fund luftës’. Ukraina nuk mund ta përmbushë ultimatumin,” tha Zelensky në një intervistë për mediat ukrainase.
Kujtojmë se Rusia i kishte caktuar Ukrainës një afat të fundit mëngjesin e sotëm për të dorëzuar qytetin port të Mariupolit, duke premtuar se civilëve dhe luftëtarëve do t’u jepej një kalim i sigurt nga qyteti nëse dorëzonin armët.
Por Ukraina e injoroi ultimatumin, duke thënë se dorëzimi nuk ishte një opsion.
