Ish kryeministri Sali Berisha ka dhënë një deklaratë për mediat pas përfundimit të takimit me Enkelejd Alibeajn dhe Gazment Bardhin brenda selisë së PD. Në hapjen e fjalës së tij, Berisha tha se sot të gjithë demokratët duhet të bashkohen dhe t’i shtrijnë dorën njëri-tjetrit.

Berisha: Jam sot këtu që në emër të Komisionit të Rithemelimit të PD të bëj thirrje demorkatëve të Shqipërisë kudo që janë t’i shtrijnë dorën njëri tjetrit sot dhe të bashkohen këtë ditë për interesin më të madh të vendit të kombit, shoqërisë shqiptare. Sot PD është parti e të gjithë demokratëve. Prej saj nuk ka dhe nuk mund të ketë të larguar. Vendimi i gjykatës legjitimoi më në fund vendimet historike të kuvendit.