Duke filluar nga pranvera e vitit 2023, Sistemi Evropian i Informacionit dhe Autorizimit të Udhëtimeve do të taksojë shtetasit nga Shtetet e Bashkuara dhe shumicën e turistëve të tjerë të huaj me 7 euro për të hyrë në kontinentin evropian.

Organizata pretendon se po zbaton këtë taksim për të forcuar sigurinë në kufijtë evropianë.

ETIAS po e quan tarifën e re një “taksë për vizitorët”, megjithatë ajo shërben gjithashtu si tarifë regjistrimi për këdo që hyn në Bashkimin Evropian dhe Zonën Shengen (20 vendet në Evropë që nuk kërkojnë pasaporta ose kontroll kufitar për hyrje).

Kjo do të thotë se duke filluar nga viti i ardhshëm, udhëtarët nga SHBA do të duhet të paguajnë më pak se 8 dollarë për të hyrë në BE për qëndrime deri në 90 ditë.

Pasi vizitorët të regjistrohen përmes sistemit ETIAS, emrat e tyre do të kontrollohen në listat mbikëqyrëse të qeverisë përpara se të kenë akses në vendet e BE.

Gjithashtu, linjave ajrore mund t’u kërkohet të kontrollojnë dy herë nëse pasagjerët kanë autorizimin ETIAS përpara se t’i lejojnë ata të hipin në avion. Qytetarët amerikanë që hyjnë në Evropë tani duhet të aplikojnë për një vizë përmes ETIAS për të hyrë në këto shtete.