Një autobus që transportonte punonjësit e një fasonerie ka marrë flakë rreth orës 06:50.

Ngjarja ka ndodhur në aksin rrugor Vlorë –Fier, tek mbikalimi i Novoselës, ku ka marrë flakë në lëvizje, autobusi me drejtues shtetasin B. Xh., 60 vjeç. Nuk ka dëme në njerëz, pasi punonjësit kanë zbritur me shpejtësi, menjëherë pasi janë dëgjuar zhurmat e para nga mjeti.

Paraprakisht dyshohet se zjarri ka rënë si pasojë e një defekti teknik në autobus.

Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.