Kreu i grupit të PS, Taulant Balla është shprehur se “digjet” emri për kandidat për anëtarë në Autoritetit për të Drejtën e Informimit mbi Dokumentet e ish-Sigurimit të Shtetit, pasi në purpose është është fimra dhe emri i Sali Berishës.

Balla është shprehur se emri i Mirakës nuk mund të kalojë vetëm sepse është edhe firma e Berishës, të cilën e quan “katrani me bojë”.

Ai tha se nëse Mirakaj paraqet sërish firmat për kandidim, pa nënshkrimin e Berishës atëherë mund të rishikohet vendimi.

“Sa i përket kandidaturës së zotit Simon Miraka. Ne kemi votuar zotin Miraka disa vite më parë kur ai është zgjedhur disa vite më parë. Ai garon për një mandate të dytë. Ne kemi konstatuar se në deputetët që kanë propozuar kandidaturën e tij është përfshirë “katrani me bojë” (i referohet Berishës) dhe si i tillë e ka bërë pis emrin e tij.

Për ne është e pamundur që zoti Miraka të marrë mbështetjen tonë në Kuvendin e Shqipërisë. Për sa kohë që në një dokument shfaqet firma e katranit me bojë. I kërkoj zotit Miraka që nëse vjen në një listë të re pa atë do ta konsiderojmë. Mendoj se është në nderin e zotit Miraka që mos ta bëjë pis emrin e vetë që një propozues është njësoj si sigurimi i shtetit. Ne po ndihmojmë zotin Miraka që të mos bëhet pis” tha Balla ndër të tjera.