Autoriteti Rrugor Shqiptar ka njoftuar devijimin e trafikut në kryqëzimin e Surrelit dhe bllokimin e rrethrrotullimit të Shkozës për rrugën “Alajdin Frashëri”.

Autoriteti Rrugor Shqiptar njofton bllokimi i trafikut do të behet nga data 2 qershor në orën 11:00 deri në 16:00, për shkak të asfaltimit të rrugës.

ARRSH njofton se kë këto pika do të vendosen sinjalistika të përkohshme për devijimin dhe orientimin e trafikut.

Njoftimi i ARRSH

Njoftim mbi bllokimin e përkohshem të trafikut në rrugën “Alajdin Frashëri”. Në Unazen Lindore Loti 2, në përputhje me grafikun e punimeve, do të fillojnë punimet e asfaltimit në rrugën “Alajdin Frashëri”.

Duke filluar nga data 02.06.2022, ora 11:00 deri në orën 16:00, trafiku do të devijohet në kryqëzimin e Surrelit dhe do të bllokohet përkohësisht në rrethrrotullimin e Shkozës për rugën “Alajdin Frashëri” që do të asfaltohet.

Në këto pika do të vendoset sinjalistika e përkohshme për devijimin dhe orientimin e trafikut në kryqëzimin e Surrelit në drejtim të Farkës dhe bllokim rruge në rrethrrotullimin e fundit në Shkozë, ku kalimi do të behet në drejtim të Unazës.

Bashkëlidhur skema e rrugës “Alajdin Frashëri” që do të asfaltohet, me zonën ku do të kryhen punimet dhe pikat e devijimit të trafikut. Kërkojmë mirëkuptimin e përdoruesve të rrugës dhe drejtuesve të mjeteve.