Kryetarja e LSI Monika Kreymadhi ka dhënë votën kundër për kandidaturën e Bajram Begajt si presidenti i ri i vendit. Kryemadhi pak para se të hynte në Kuvend tha se nuk ka rezerva për individin, por sipas saj, ka rezerva për diktaturën që po instalon Edi Rama.
Kryemadhi: Procesi duhet të ishte konsensual, kushtetues, përfshirës dhe të përfaqësonte vullnetin e të gjitha palëve politike, por edhe të shqiptarëve. Nuk flasim për individin, jemi mësuar t’i bëjmë pis individët. Vota e LSI është votë kundër. Nuk kam rezervë për asnjë person, por për diktaturën që po instalon Edi Rama. Uroj te mos jetë një tjetër ministër pa portofol i socialistëve.
