Presidentja e Kosovës Vjosa Osmani ka uruar për zgjedhjen në postin e presidentit të Shqipërisë të Bajram Begajt.

Osmani shprehet besimplotë që së bashku me homologun e saj të thellojë raportin e bashkëpunimit vëllazëror mes dy vendeve tona.

Presidentja e Kosovës bëhet e para kryetare shteti që uron Begajn për marrijen e postit të ri, pas votimit me 78 vota pro në Kuvend.

Postimi i Osmanit:

Urime të përzemërta për presidentin e sapozgjedhur të Shqipërisë, z. Bajram Begaj! Ju uroj suksese në rolin tuaj të ri dhe shumë të rëndësishëm.

Së bashku do të punojmë që raportet vëllazërore ndërmjet Kosovës e Shqipërisë t’i thellojmë edhe më tej, si dhe t’i sjellim vendet tona më afër BE.