Një motoskaf ka marrë flakë në fshatin Drimadhes këtë të hënë, duke i shkaktuar djegie në zona të ndryshme të trupit një 31- vjeçari që po punonte për ta riparuar atë.

Sipas policisë, i riu pasi ka marrë ndihmën e parë mjekësore në qendrën shëndetësore të fshatit turistik, është nisur drejt Tiranës për trajtim të specializuar.

Njoftimi i policisë:

Më datë 06.06.2022, në fshatin Drimadhes, Dhërmi, ka marrë flakë, gjatë riparimit të tij, një motoskaf. Për pasojë shtetasi N. L., 31 vjeç, i cili po merrej me riparimin e motoskafit, ka pësuar djegie në zona të ndryshme të trupit.

31-vjeçarit iu dha ndihma e parë në qendrën shëndetësore në Drimadhes dhe po transportohet në spitalin e Tiranës, për mjekim me të specializuar.

Grupi hetimor ndodhet në vendngjarje dhe po punon për përcaktimin e rrethanave të ngjarjes.