Ish kryeministrit Sali Berisha i është ndëprerë sërish fjala, pasi sipas drejtueses së seancës, Ermonela Felaj, çështja për të cilën Berisha po fliste nuk ishte pjesë e rendit të ditës.

Berisha e nisi fjalën e tij lidhur me mungesën e marrëveshjes së ekstradimit mes Shqipërisë dhe vendeve të Beneluksit. Më pas menjëherë ka ndërhyrë drejtuesja e seancës e cila i ka ndërprerë fjalën ish kryeministrit me arsyetimin se po fliste për temë ndryshe nga rendi i ditës.

Berisha: Zotërinj deputetë, zonja deputete, të dashur qytetarë dhe qytetare, prej kohësh vendet e Beneluksit presin nga Shqipëria marrëveshjen e ekstradimit. Shqipëria nuk iu përgjigjet këtyre vendeve. Nuk i përgjigjet Belgjikës dhe vendeve të tjera për të firmosur në kohë…

Drejtuesja e seancës, Ermonela Felaj: Seanca e sotme ka vetëm një rend dite dhe në kohën që ka për të folur patjetër që mund ta diskutojmë. Kur të merrni fjalën nuk do ju ndërhyjë askush. Kjo nuk është çështje ëpr procedurë.