Ish kryeministri, Sali Berisha në fjalën e tij të mbajtur në foltoren e kuvendit, ka hedhur akuza të forta ndaj ministrave dhe deputetëve të PS për të cilët tha se ishin të përfshirë në ngjarje kriminale të ndodhura në vendet e Beneluksit dhe prandaj nuk nënshkruanin marrëveshjen e esktradimit me këto të fundit.

Mes të tjerash, Berisha shkëmbeu replika edhe me kreun e grupit parlamentar socialist, Taulant Ballën, të cilit i përmendi Nuredin Dumanin, dhe e akuzoi se kishte lidhje me bandat e tjera që operonin në Elbasan.

“Denoncoj qeverinë e cila nuk sjell në parlament marrëveshjet e ekstradimit me vendet e Beneluksit dhe këtë nuk e bën sepse të paktën 6 ministra dhe shumë e shumë deputetë të tjerë janë kandidatë për ekstradime. Së dyti për parafolësin kam një pyetje. Sa i pagove Nure Dumanit për të të shpërlarë, tek Manhasët? Kjo do të dalë. Por nuk është vetëm kjo. Ja ku ua them se ai ka mbi 50 deri 100 telefonata me Dumanin Talo Çelën dhe të tjerë me rradhë”– u shpreh Berisha.