Balla: Keqardhje për bojkotin e votimit. PDIU dhe LSI morën pjesë në procesin e zgjedhjes së presidentit. Qytetarët i zgjedhin deputetët e tyre për të shkuar në Kuvend dhe për t’u shprehur me votë. PD duhet t’i largohet frikës nga vota. Kaq shumë bojkote e kanë dëmtuar PD-në. Edhe ata që bënë kuvende dhe premtuan se nuk do bojkotojnë kurrë, edhe ata e thyen premtimin.

Vesi del me shpirtin. Ju bëj thirrje miqësisht. Brenda pak ditësh duhet të zgjedhim avokatin e popullit. Ka një dakordësi që është respektuar për shumë vite. U shkel në vitin 2012 dakordësia për kryetarin e KLSH. Opozita duhet të marrë pjesën e vet të dakordësisë. Bojkoti është fyerja më e madhe që mund t’i bëhet votuesit. Opozita i detyrohet një ndjesë të madhe atyre që i kanë sjellë në sallë”, u shpreh Balla.