Kreu i Grupit të PS Taulant Balla në fjalën e tij në Kuvend foli me tone të ashpra ndaj kreut të PD Sali Berisha, duke e quajtur atë si grabitësin më të madh të pronave në Shqipëri.
“Biem të gjithë dakord që Shqipëria dhe RMV dy vende anëtare të NATO-s , sot mbahen peng nga një vend anëtar i NATO dhe kjo është keqardhja më e madhe ku në kohë të vështira një vend anëtar i NATO-s nuk e kupon rëndësi që Shqipëria dhe Maqedonia e Veriut të mbajnë sa më parë Konferencën e parë ndërqeveritare.
Qoftë KE , PE, kanë qenë të qartë se Shqipëria i ka përmbushur detyrat e shtëpisë. Po fliste një grabitës pronash i paimagjinueshëm dhe pas 31 vitesh në politikë paska ardhur dita që ky grabitësi i kërkon ndjesë pronarëve. Ky që ka njohur pronat e veta nga Viçidoli në Dhërmi. E ftoj parafolësin tu shpjegojë shqiptarëve, si ka mundësi që ky është pronar tokash në Dhërmi, apo aty ku janë të gjithë raca e këtyre tek Gjiri i Lalzit…Datën e lindjes se çoi nga korriku në nëntor që ta kishte afër shokut Enver.
Ky grabitësi i pronave grabiti kompleksin ‘Partizani’, dhe i bëj thirrje SPAK meqë më ka informuar se ka nisur procedimin, nesër do çoj dokumente shtesë se si është vjedhur prona. Ky që u betua se çdo të bëjë betimet e PD. Është thjesht një mbetje e regjimit komunist në jetën politike të vendit”, tha ai
Deklarata e Ballës erdhi si përgjigje e akuzave që ngriti në Kuvend Berisha, kur tha: “Ju siguroj se në 2007 u digjitalizua çdo dokument pronësie ne Shqiperi e nga ata që kanë vu dorë nga këta këtu mbrapa, do diktohen një ditë e do shkojnë atje ku e kanë vendin”.
