Forcat ruse kanë shtuar sulmet e tyre në Ukrainë gjatë natës dhe deri në mëngjes.

Zyrtarët lokalë në Ukrainën perëndimore dhe veriore kanë raportuar sot për dhjetëra sulme me raketa ndaj objekteve ushtarake.

Gjashtë raketa u hodhën nga Deti i Zi në bazën Yavoriv në Lviv, sipas guvernatorit rajonal Maxim Kozytskyi.

Katër goditën bazën, por dy u kapën dhe u shkatërruan. Në rajonin Zhytomyr në veri të Ukrainës, sulmet ndaj një objektivi ushtarak vranë të paktën një ushtar.

“Afro 30 raketa u lëshuan në një objekt të infrastrukturës ushtarake shumë afër qytetit të Zhytomyr,” tha Vitaliy Bunechko, duke shtuar se rreth 10 raketa ishin kapur dhe shkatërruar.

Dhe në Chernihiv, gjithashtu në veri, guvernatori Vyacheslav Chaus tha se qyteti i vogël i Desna-s u vu nën sulme “masive” me raketa.

Ai nuk specifikoi se çfarë ishte goditur, por tha se nuk kishte viktima. Vlen të përmendet se Desna është shtëpia e një qendre trajnimi për forcat e këmbësorisë së Ukrainës.