Një aksident ka ndodhur mbrëmjen edjeshme në rrugën”Bilbilenjtë”, në lagjen “Mustafa Matohiti”, Tepelenë, ku shtetasi A. B.,duke drejtuar automjetin tip “Toyota” ka përplasur dy fëmijë të lagjes.

Fatmirësisht dy fëmijët janë jashtë rrezikut për jetën dhe po marrin ndihmë mjekësore në spital.

Ndërkohë, policia ka shoqëruar në komisariat drejtuesin e mjetit për kryerjen e veprimeve të mëtejshme.

Njoftimi i policisë:

Rreth orës 20:15, në rrugën “Bilbilenjtë”, në lagjen “Mustafa Matohiti”, Tepelenë, shtetasi A. B., banues në Tepelenë, duke drejtuar automjetin tip “Toyota”, ka përplasur 2 fëmijë, të cilët u transportuan në spital, për të marrë ndihmën mjekësore dhe ndodhen jashtë rrezikut për jetën.

Drejtuesi i automjetit u shoqërua në ambientet e Komisariatit të Policisë Tepelenë për të kryer procedurat e mëtejshme.

Specialistët e Seksionit e Trafikut Interurban dhe Urban arrestuan në flagrancë shtetasin A. B., 46 vjeç, banues në Tepelenë.

Shtetasi i mësipërm u arrestua pasi në lagjen “Mustafa Matohiti”, Tepelenë, duke drejtuar automjetin tip “Toyota” ka përplasur dy fëmijë, të cilët ndodhen në spital, jashtë rrezikut për jetën.