Kryetarja e LSI-së Monika Kryemadhi ka dalë sot në një deklaratë nga selia, ku ka vijuar denoncimet e saj në lidhje me aferën e inceneratorëve, ndërkohë që tha se do të dorëzohen në SPAK me mijëra fatura që dëshmojnë krimin ekonomik që është bërë me paratë e buxhetit të shtetit.

Kryemadhi tha se dy pensionistët, në emër të të cilëve figurojnë dy kompani, me të cilat Integrated Energji ka kryer evazion fiskal, nuk kanë pasur dijeni për përdorimin e emrit të tyre.

Kryetarja e LSI-së u shpreh se i pari që do të duhej të merrej në pyetje dhe i pandehur për këtë çështje është vetë Edi Rama, që sipas saj gënjeu në komisionin për inceneratorët, duke thënë se kompanitë kanë bërë një investim prej 128 milionë eurosh, që rezulton të jetë i pavërtetë.