Kryetarja e LSI-së Monika Kryemadhi ka dalë sot në një deklaratë për mediat ku ka vijuar denoncimet e saj në lidhje me aferën e inceneratorëve.
Kryemadhi ka zbuluar bisedën me djalin e të moshuarit Thanas Canit i cili pa dijeninë e tij figuronte me biznes 30 milionë euro.

“Pensionistët që janë të shqetësuar dhe nuk duhet të ndihen të kërcënuar qoftë edhe nga opinioni publik. Me djalin e Thanas Canit po bisedoja dhe ai nuk ka dijeni dhe nuk kanë firmosur asnjë kontratë të tillë por në 2019 janë thirrur nga krimi ekonomik për një faturë 300 mijë euro për evazion fiskal. Kjo është regjistruar në 8 korrik të 2019 dhe është aty deri në 2024. Krimi ekonomik e ka thirrur në 2019 por nuk është njoftuar që është administrator i një kompanie, vetëm e ka thirrur për të kryer atë veprimin dhe më pas e ka lënë të lirë.