“Betohem para flamurit të kombit se votën e vjedhur kurrë nuk e njohim. Mos luaj me votën se jemi të vendosur të bëjmë çdo sakrificë që djemtë dhe vajzat e Shqipërisë të votojnë të lirë.

Ti pushtetin e vendose duke u rrëmbyer votën shqiptarëve. Harrove se me këto akte ke shkelmuar idealet e shqiptarëve. Ke shqelmuar sakrificën e shqiptarëve që ranë kundër diktaturës komuniste. Ke shkelmuar ëndrrën e rinisë studentore të viteve 90 që dolën në rrugë ballë për ballë.

Edi Rama ti këto kohë dhe këto vite je treguar armik i fjalës së lirë. Je treguar armik i egër i fjalës së lirë. Ke përdorur metodat e frikës dhe terrorit për të zhytur shqiptarë të heshtje. Ke përdorur tendera për të blerë media. I je vërsulur gazetarëve vetëm se ata bëjnë detyrën e tyre.

Fjala e lirë do të jetë motoja dhe beteja jonë. Ata që guxojnë të prekin fjalën do të mjerojnë. Në këtë shesh disa oratorë, të cilësuar hajdutë, vjedhës. Nuk do doja kurrë nga kjo platformë të flisja për hajdutë dhe vjedhës”, tha ai.