Kryeministri Edi Rama ka ndarë një mesazh ngushëllimi pas vrasjes së ish-kryeministrit të Japonisë Shinzo Abe.

Rama tha se është i tronditur nga ku lajm. Po ashtu në reagimin e tij në Twitter Rama shkruan se sa shumë tronditen themelet e demokracisë kur politikanët shihen si armiq për t’u shkatërruar dhe jo si kundërshtarë për t’u angazhuar.

Postimi:

I tronditur dhe i pikëlluar nga vdekja e ish-kryeministrit Shinzo Abe. Ngushëllimet tona më të thella familjes së tij dhe popullit të Japonisë. Vrasja e tij nxjerr në pah se sa shumë tronditen themelet e demokracisë kur politikanët shihen si armiq për t’u shkatërruar dhe jo si kundërshtarë për t’u angazhuar!

Reagimi i Ramës vjen edhe pas deklaratave të Berishës gjatë protestave të djeshme, ku e cilësoi kreun aktual të qeverisë armik. Deklaratat e Berishës u konsideruan shumë të forta.