Eurodeputeti David Lega, anëtar i Komisionit për Punët e Jashtme dhe të Drejtat e Njeriut në PE, ka reaguar në lidhje me vendimin e kryeministrit Rama për të përjashtuar për 3 muaj nga konferencat për shtyp, gazetarin Klevin Muka.

Përmes një postimi në Twitter, Lega i bën thirrje kryeministrit që të mbështesë gazetarinë e lirë dhe të pavarur.

Eurodeputeti thekson se liria e shtypit është e panegociueshme për vendet e Bashkimit Evriopan si dhe vendet aspirante për në union.

“Liria e shtypit është e panegociueshme për anëtarët e BE-së dhe shtetet aspirante anëtare. I bëj thirrje kryeministrit Edi Rama për të mbështetur gazetarinë e lirë dhe të pavarur dhe për të treguar përkushtim të vërtetë ndaj vlerave të BE-së”, shkruan lega në Twitter.