Marka franceze akuzon atë italiane se pengoi kalimin e klientëve të mundshëm me barrierat e vendosura, ndërsa Valentino nënvizon se ka marrë lejet e nevojshme për të shfrytëzuar vendndodhjen me vlerë të lartë kulturore, që do të kishte garantuar qarkullimin e rregullt të këmbësorëve.
Sfilata e organizuar në Piazza di Spagna të Romës dhe nën “hundën” e rivalëve të përjetshëm francez të “Dior”, duket se do t’i kushtojë shtrenjtë firmës së famshme të veshjeve “Valentino”.
Kompania franceze pretendon se sfilata e Valentinos i ka penguar klientët potencialë të futeshin në dyqanin e tyre, që ndodhet po në të njëjtin shesh në Romë dhe për këtë kërkon një dëmshpërblim prej 100 mijë eurosh.
foto galeri foto galeri foto galeri 123PreviousNext
Pasarela e Valentinos në fakt ishte luksoze, me yje të Hollivudit dhe pikërisht aty, përballë dyqanit të Dior.
Dior Italia i dërgoi një letër Valentino-s duke kërkuar kompensim për dëmin e shkaktuar në dyqanin në cep të via Condotti dhe piazza di Spagna. Në bazë të kërkesës substanciale njëqind mijë euro brenda 15 ditëve dhe nëse nuk mbyllet pagesa në afat gjigandi francez mund të padisë Valentinon, duke çuar në një duel ligjor mes dy markave të mëdha të modës.
Duket se version i rozës tronditëse që u zhvillua nga drejtori kreativ i Valentino, Pierpaolo Piçioli me Pantone dhe Anne Hathaëay që pozuan për fotografët, bëri që askush të mos hynte në dyqanin e Dior.
