Një automjet është gjetur duke u djegur rreth 3 km larg nga vendi i atentatit ku mbetën të vrarë 3 persona, ngjarje e ndodhur pranë Urës së Fushë Krujës.

Nga të dhënat e deritanishme rezulton se dy nga viktimat kanë mbetur të vrarë brenda automjetit, ndërsa jashtë automjetit ndodhet vitkima e 3-të. Dyshimet janë se një nga viktimat është e seksit femër.

Sipas raportimeve, ndaj automjetit ku ndodheshin viktimat është qëlluar me të paktën 50 plumba dhe më pas automjet është përfshirë nga flakët.

Dyshohet se autorët i kanë dalë përpara makinës duke e qëlluar me breshëri. Një nga personat që ndodhej në automjet, në sediljen e pasme, ka dalë jashtë makinës, në një tentativë për të shpëtuar, por autorët e kanë qëlluar duke e lënë të vdekur në rrugë.

Ndërkohë që në zonën e Arramenasit, 3 km nga vendi i atentatit, është gjetur duke u djegur një automjet, i cili dyshohet se mund të jetë përdorur nga autorët në atentatin ku kanë mbetur të vrarë 3 personat.