Klisman Preçi, 27 vjeç është njëri prej dy të plagosurve të mbrëmjes së sotme në Laç pas të shtënave me armë nga një makinë.
Mësohet se Preçi i shpëtoi një atentati në maj të këtij viti ku shënjestra ka qenë kushëriri i tij Blerim Preçi i cili sapo ishte kthyer nga Belgjika.
Pas ngjarjes, dy kushërinjtë deklaruan se nuk kishin konflikte me persona të caktuar dhe se nuk e dinin se kush mund të fshihej pas sulmit me armë.
Ndërsa mbrëmjen e sotme, Preçi mësohet se është plagosur rëndë së bashku me shtetasin Ylli Brahimi. Në atentatin e mbrëmjes së sotme, policia ka gjetur në vendngjarje 100 gëzhoja plumbash. Pista kryesore ku policia po heton është e shkuara e dy shënjestrave të atentatit të mbrëmjes së sotme.