Avokati Kujtim Cakrani ka depozituar kallëzim penal në SPAK, për kreun e qeverisë Edi Rama, ministren Belinda Balluku, dhe përfaqësues të Komisionit për Investimet Strategjike, pasi sipas tij ata kanë shpërdoruar detyrën në rastin e parkut fotovoltaik të Karavastasë.

Sipas Cakranit, në kallëzimin që ai ka dorëzuar në SPAK, thuhet se kompanitë në fjalë janë themeluar pasi ishin shpallur fituese të projektit për ndërtimin e parkut fotovoltaik.

“Ashtu siç edhe kam shkruajtur më parë, dy shoqëritë fantazmë Voltalia Albania shpk dhe Karavasta Solar shpk që kryeministri në cilësinë e kryetarit Komitetit Investimeve Strategjika ju ka dhënë statusin e Investitorit Strategjikë, sot pranë prokurorisë posaçme SPAK u dorëzua kallëzimi penal.

Sepse ligji nr.55/ “Për Investimet Strategjike” është ligji kriminal ku shpronëson pronarët tamam si më 1945, dhe pronën ja jep horrave të pushtetit.

Ndërkohë që më herët ai ka denoncuar se emrat e dy administratorëve që rezultojnë në QKB, nuk ekzistojnë realisht.

“Gustavo Manuel Ferreria Fernandes dhe Joao Manuel da Silva Boavida Malcata, janë dy emra inekzistent, pra emra falso me origjinë nga Portugalia.

Të dy këta persona në QKB figurojnë se janë administrator të.dy shoqërive përkatësisht;

Shoqëris Voltalia dhe Karavasta Solar, të cilave

Komiteti Investimeve Strategjike me Kryetar Edi Rama, përveç ju ka dhënë statusin e Investitorit Strategjikë, bashkë me statusin ju ka dhënë edhe 200 hektarë tokë për të shkolluar biznesin e tyre.

Pas këtyre emrave të rremë si qytetar Portugez fshihen klient të pushtetit dhe qeverisë.

Natyrisht kallëzimi penal është gati dhe do dorëzohet në SPAK brenda muajit korrik”, shkruante më herët Cakrani.