Ministria për Evropën dhe Punët e Jashtme, ashtu si institucionet e tjera shtetërore ka rënë pre e sulmeve kibernetike. Ditën e sotme hakerat, nëpërmjet faqes së tyre të quajtur “Homeland Justice”, “Drejtësi për Atdheun” kanë publikuar plot 578 dokumente të cilat janë shëmbime emaili mes ministrisë së Jashtme shqiptare dhe ambasadave të vendosura në vende të ndryshme.

Në këto dokumente gjithashtu janë edhe e-mailet që emigrantët shqiptarë u kanë nisur ambasadave tona të akredituara në shtete e huaja, ku shumica janë kërkesë për pajisje me karta identiteti si dhe për prokura.