Kreu i bashkisë së Tiranës Erion Veliaj i është përgjigjur deklaratave të kreut të Partisë së Lirisë Ilir Meta, që e krahasoi kryeqytetin me Kabulin dhe se kryeqyteti është bërë i pajerueshëm.

Veliaj tha se kjo është pa sens dhe se ka njerëz që kanë si synim përçarjen. Ai shtoi se është racizëm të thuash që Tirana po na mbyt.

“Kanë nga ata që e quajnë veten çuna të pazarit dhe e kanë nostalgji për Tiranën e fuksave dhe ngatërrojnë Tiranën me Kabulin. Por realiteti është ky, që siç erdhën këta nga qytete të tjera e ndërtuan jetën në Tiranë ku lindëm ne të dy, kështu do ofrohet dhe jeta në tiranë për këta studentë që janë këtu, 9 nga 10 do rrinë në Tiranë, s’do kthehen në qytete tjera.

Është pa sens ta ngatërrosh Tiranën me Kabulin, kur ke hallin e ish sigurimit, por është racizëm të thuash që kjo Tiranë po na mbyt, kur vetë je histori suksesi në këtë Tiranë, u bëre Kryeministër, President. U hap për ty Tirana, u hap për të tjerët”, ka thënë Veliaj gjatë një inspektimi në shkollën ‘Bashkim Fino’ në kryeqytet.