Aksident i rëndë i ndodhur mbrëmjen e sotme në aksin Levan-Tepelenë, ku mbetën të plagosur tetë persona.

Mësohet se si pasojë e përplasjes së fortë, janë plagosur dy shoferët e mjeteve tip “benz” dhe renault” si dhe gjashtë pasagjerët, mes tyre dy fëmijë të mitur të moshave 2 dhe 3 vjeç të cilët ndodhen në spitalin e Fierit ku po marrin ndihmën e nevojshme mjekësore.

Njoftimi i Plotë:

Mallakastër
Informacion paraprak

Sot, rreth orës 20:15, në aksin rrugor Tepelenë-Mallakastër, në fshatin Malas, shtetasi E. Gj., 36 vjeç, duke drejtuar automjetin tip “Benz” është përplasur me automjetin tip “Renault” me drejtues shtetasin D. L., 32 vjeç.

Si pasojë e përplasjes janë dëmtuar dy drejtuesit e automjeteve dhe gjashtë pasagjerët, A. Gj., 25 vjeçe, A. Gj., 23 vjeçe, dy fëmijë të mitur 2 vjeç dhe 3 vjeç(pasagjerët e automjetit tip “Benz”); K. M., 30 vjeçe, C. R., 31 vjeç, (pasagjerët e automjetit tip “Renault”), të cilët ndodhen në spitalin e Fierit nën kujdesin e mjekëve.

Grupi hetimor po punon për zbardhjen e shkaqeve të aksidentit.