Një aksident i rëndë ka ndodhur mëngjesin e sotëm prane Tunelit të Kalimashit, ku kanë humbur jetën dy të rinj nga Tirana.Sipas njoftimit zyrtar të policisë, rreth orës 02:30, një makinë ka humbur kontrollin duke u përplasur me mbrojtëset metalike të rrugës në vendin e quajtur “Vau Shkjeze”.
Fatkeqësisht dy pasagjerët Denis Gjeta dhe Marius Çeça nuk kanë mundur t’i mbijetojnë përplasjes, ndërsa shoferi i automjetit Marsel Busho është dërguar me urgjencë në spitalin e Traumës në Tiranë.
Njoftimi i policisë:
Mirditë / Informacion paraprak
Rreth orës 02:30, në aksin rrugor “Milot – Tuneli Kalimashit”, në vendin e quajtur “Vau Shkjeze”, Rrubik, ka ndodhur një aksident automobilistik.
Shtetasi M.B. duke udhëtuar në këtë aks rrugor me automjet, ka humbur kontrollin mbi drejtimin e tij, ku mjeti është përplasur me mbrojtëset metalike anësore të rrugës.
Për pasojë kanë humbur jetën dy pasagjerët që ndodheshin në mjet, konkretisht shtetasit M.Ç. 31 vjeç, dhe D.Gj. 30 vjeç, banues në Tiranë, ndërsa drejtuesi i mjetit shtetasi M.B. 35 vjeç, ndodhet në Spitalin e Traumes Tiranë, nën kujdesin e mjekëve.
Grupi hetimor vazhdon punën për sqarimin e plotë të rrethanave të aksidentit.
