Deputeti i Partisë Socialiste, Damian Gjiknuri ka zbardhur disa detaje nga takimi që ka zhvilluar sot me ambasadoren e SHBA-ve Yuri Kim dhe përfaqësuesve të tjerë të partive politike, Monika Kryemadhi dhe Jorida Tabakut si dhe me kreun e KQZ Ilirjan Celibashi.

Gjiknuri u shpreh se është folur në lidhje me financimin e partive nga vende jo miqësore si Rusia dhe masat që duhen marrë nga politika për ta parandaluar këtë gjë.

Damian Gjiknuri: U ngrit shqetësimi në lidhje me potencialin e shteteve te huaja jo miqësore, ishte fokusi te Rusia dhe masat që duhet të marri politika për të parandaluar cdo lloj financimi. Ky ishte fokusi. Shqipëria ka një kuader ligjor, për të parandaluar financime të panevojshme. Ne si PS kemi mekanizmat tonë.

Ky është një shembull se si partite duhet të evitojnë me financime që nuk i bëjnë mirë këtij vendi. Kemi komision të reformës zgjedhore, mund të ketë ndërhyrje të tjera. Shqetësimi që ka SHBA për përfshirjen e influencave të huaja në parti politike apo shoqata të tjera mediatike. Nuk folëm për masat, këto janë gjëra teknike.