Një aksident i rëndë ka ndodhur mbremjen e djeshme në hyrje të qytetit të Beratit ndërsa kanë mbetur të plagosur 3 persona.

Një automjet tip ‘Benz’ me targa angleze e që drejtohej nga Leon Simoni, ka qënë duke bërë manovra të rrezikshme në rrugën e Kombinatit dhe në një moment drejtuesi ka humbur kontrrollin e mjetit dhe ka përplasur 3 qytetarë të cilët ndodheshin përbri një makine “Fiat Punto”.

Të plagosurit janë: Blerina Nerjaku, 45-vjeçe, banuese në Shijak, Mersine Nerjaku, 37-vjeçe, banuese në Zvicër dhe Shkëlqim Kapxhiu, 63-vjeç, banues në fshatin Velabisht në Berat.

Ndërkohë Faxnews ka siguruar edhe pamjet e aklisdentit të rëndë, që për pak u mori jetën 3 personave.

Në video duket se si shoferi bën manovra të rrezikshme në rrugë, më pas humb kontrollin e mjetit dhe “merr para” 3 qytetarët.

Të plagosurit janë transportuar në Spitalin Rajonal të Beratit ku burime bëjnë me dije se, tre të plagosurit kanë pësuar dëmtime të shumta por ndodhen jashtë rrezikut për jetën.