Kryetari i grupit parlamentar të PS-së, Taulant Balla u shpreh sot se drejtësia duhet lënë që ta hetojë deri në fund çështjen e financimeve ruse përmes Partisë Demokratike.
Duke folur në Kuvend ai u shpreh se kur Berisha dhe Basha ishin bashkë në krye të PD-së, mediat ruse i jepnin shumë hapësirë protestave të opozitës.
“Kam shumë besim te drejtësia e re që po lind mbi rrënojat e drejtësisë së vjetër. Është koha që ne të ndërmarrim të gjitha nismat ligjore, përfshi këtu punën që po bëhet te komisioni i reformës, te ligji i partive politike dhe ligji i fushatës zgjedhore. Ja pra që paska pasur krisma. Edhe në Shqipëri, edhe në Mal të Zi, në Bosnje partia e të shpallurit non grata Dodik është e përfshirë. Non grata e Shqipërisë dhe ai i Bosnjes janë problem për Ballkanin Perëndimor. U kemi thënë që do vijë një ditë që do hani njeri- tjetrin. E vërteta është që Saliu po bërtet më shumë për këtë çështje. Nuk ka qenë asnjëherë rastësore që në 2018 dhe 2019 protestat e opozitës të bashkëdrejtuar nga Basha dhe Berisha jepeshin live në televizionin rus. Sputnik ishte live nga Tirana, 3 orë transmetim për 400 vetë në shesh”, tha Balla.
