Në mbledhje e sotme të Komisionit të Ligjeve është diskutuar projektligji për ‘Informacionin e Klasifikuar’.

Kreu i Partisë Republikanë, Fatmir Mediu ka kërkuar sqarim nga PS se pse është përjashtuar nga certefikata e sigurisë kryetari i parlamentit, pasi është numri 2 në hierarkinë e shtetit.

Referuar dhe sulmeve të fundit kibernetike, Mediu tha se ne kemi problem me mënyrën si i ruajmë të dhënat sensitive të shtetit dhe se nuk po rrezikohen vetëm shërbimet inteligjente por edhe sektori ekonomik në Shqipëri.

Pjesë nga mbledhja e Komisonit të Ligjeve:

Alibeaj: Këtu s’ka reflektim në aspektin ligjor edhe pavarësisht sulmeve kibernetike. Projektligji duhet të na mbrojë nga rrjedhja e informacioneve të shtetit. Qeveria ka sjellë një projektligj pa asnjë ndryshim.

Mediu: Ju u referuat dokumenteve të sigurisë së NATO-s të vitit 2019, keni përjashtuar nga certefikata e sigurisë kryeministrin dhe presidentin, kryetari i parlamentit ëshë numri dy, pse përjashtohet? Kemi dhe një Këshill të Sigurisë Kombëtare, ka drejtues të institucioneve të rëndësishme, a duhen parë këta zyrtarë në bazë të pozicionit për tu përjashtuar nga ky proces.

Folët për ‘Aftercare’, në analizë sidomos dokumentet tuaja, ku i ruani këto të dhëna? Shikohet se ne kemi problem në mënyrën si i ruajmë, a kemi Cloude apo do ruhen në mënyrë tradicionale? Sqaroni rolin e DSIK-së!

Koncepti i sigurisë nuk është shërbimi inteligjent, kemi penetrime në sistemin e sigurisë dhe në rrugë të tjera, nëpërmjet investimeve ekonomike, në qeveri duhet të ketë persona kyç që të kontrollojnë background-in e kompanive që investojnë.