Mozzik e plasi “bombën” e tij me këngën e re titulluar “Të dua”. Ky projekt i dedikohej vajzës së tij dhe Loredanës, Hanës.
Në këtë këngë reperi shprehte keqardhje e dhimbje për faktin që s’mund të ishte i pranishëm sa do të donte ai në jetën e Hanës, sepse prindërit e saj u ndanë shumë të rinj.
Arsyeja pse u ndanë? Më mirë s’po e tregoj se është shumë e rëndë thotë Mozzik, ndaj dyshimet nisën menjëherë. Fansat aluduan për një tradhti nga Loredana, duke qenë se Mozzik shfaqej revoltuar në rreshtat e tij.
As Loredana s’ka ndenjur duarkryq por i ka dhënë mundësi ndjekësve në Instagram ta pyesin, ndërsa i është përgjigjur disa pyetjeve pikante.
A e lejon ajo Mozzik ta takojë Hanën?
“Ai mund ta takojë dhe ta marrë Hanën sa herë ka dëshirë! S’ka qenë kurrë ndryshe. Duhet ta pyesësh si është puna”
A e ka tradhtuar ndonjëherë ish-in? “JO” përgjigjet prerë Loredana.
Dikush e pyet “A mendon që Hanës i mungon diçka?”
“Po një vëlla”- ia kthen ajo.
