Rusia ka marrë përgjegjësinë për një numër shpërthimesh që tronditën kryeqytetin ukrainas të hënën.

Deri më tani, disa qytete të Ukrainës janë pa furnizime me energji dhe ujë pas sulmeve, për të cilat Ukraina thotë se kishin në shënjestër infrastrukturën dhe njerëzit.

Ndërkohë, Kremlini tha se Vladimir Putin mund të takohet me presidentin turk Tajip Erdogan në një samit të sigurisë në Kazakistan këtë javë.

Një zëdhënës tha se ishte “e mundur” që dyshja të mund të diskutonte propozimet për bisedime me Ukrainën.

Ai shtoi se Putin do të takohet të martën në Rusi me kreun e mbikëqyrësit bërthamor të Kombeve të Bashkuara, Rafael Grossi.

Grossi drejton Agjencinë Ndërkombëtare të Energjisë Atomike (IAEA), e cila prej muajsh ka shtyrë Kievin dhe Moskën të bien dakord për një zonë të çmilitarizuar rreth termocentralit bërthamor Zaporizhzhia në Ukrainën jugore.