Kreu i Partisë Demokratike, Sali Berisha në takim me të rinjtë u ndal tek ngjarja e rëndë e Lear Kurtit, i cili humbi jetën në komisariatin nr.3 në Tiranë. Ai tha se është e pafalshme mënyra se si kryeministri Rama sipas tij kishte për qëllim të fshihte provat.
“Flet e bërtet si të mbrojë krimin. Ti nuk ke qenë aty. Si mund të vërsulesh për të fshehur gjërat. Ky bëhet palë. Secili i ri mund ta pësojë si Leari, e ka mbushur policinë me kriminelë dhe të droguar. Dje më dërguan një mesazh , ku shkruante: Më morën në komisariat me dhunë. Dhe aty thuhej se një shprehet. Luan e ka emrin, do ta heq qafe këtë. Pra shikoni çfarë kanë futur brenda. Mund të imagjinohet kjo gjuhë. Kjo është policia që krijoi. Vënë gangster në krye të policisë”, tha Berisha.
Ish-kryeministri paralajmëroi protesta të fuqishme popullore, ndërsa shtoi se do të përfundojnë me rrëzimin e qeverisë. Ai tha se studentët do të subvencionohen.
“Studentët do të subvencionohen. PD po përgatitet për protesta të fuqishme, por do të mbështesim çdo protestë të drejtë. Kauza e Lear Kurtit i përket çdo shqiptari. Ai po kthehej duke folur në telefon. përse do ta ndaloje? Kishte kallashnikov? Ai po kalonte mes rrugës dhe para i dalin banditë për t’i marrë shpirtin dhe nuk i japin ndihmë. Këto nuk mund t’i pranojmë. Unë kam besim tek ju, kjo betejë do të nisë dhe do të mbarojë me rrëzimin e kësaj qeverie.”, tha Berisha.
